كل سنه وأنتم طيبين بمناسبة إقبال شهر رمضان الكريم

السلام وعليكم ورحمة الله وبركاته (كل سنه وأنتم طيبين بمناسبة اقبال شهر رمضان الكريم)
ياترى كل واحد هيعمل ايه اول يوم ؟واحد هيقول هتتجمع الاسره واخواتى بزوجاتهم وواحده هتقولى اختى هتيجي هيه وزوجها طيب وبعدين هنفطر وبعد كده نجيب شوية حلويات على مكسرات رمضااااااان بقى وأنتى عارفه وبعدين نتابع المسلسلات وبعدين ممكن نخرج ولما نرجع نتسحر مع بعض وبعدين نتفرج على التلفزيون الى فاتنا واحنا خارجين نتفرج عليه واحنا بنتسحر وكمان نبقى نصلى الفجر طالما صاحيين بقى وبعدين بقى نناااااااااااام ونقوم على قبل الفطار نتفرج على التليفزيونوهكذا ... ونبقى نروح يوم نفطر فى الحسين وبعد كده ننزل نلف فى القاهره نروح مولات وكدددده ونقضيها دا شهر مفترج
طبعا انا جاي علشان ارد عليك وانصحكم اخوتى فى الله اوعى تضيع رمضان زى كل سنه اول يوم دا هتوب فيه لربنا من المعاصى والذنوب الى احنا فيها والمفروض تفوقوا ولازم نقول لربنا مش هيضيع الشيطان منى رمضااااااااااان وهسيب البنت الى مرتبط بيها وانا هسيب الشاب الى مرتبطه بيه (من ترك شيئا لله عوضه الله خيرا منه)لازم اترك اصحاب السوء هيضيعوا رمضان منى دا ضيعت كتيييييييير قبل كده هنصح أسرتى على الطاعه والرجوع لربنا والندم على معصيته هحاول اقول اصحابى وانصحهم يقربوا لربنا وادعوهم للخير فى رمضان انا هصلى الفجر فى رمضان وهختم القرآن ومش هتفرج على المسلسلاااااااات نهائى لكن هتفرج على برامج دينيه استفاد منها مش هضيع التراويح منى مش هسيب ابدااااااا قيام الليل نفسي تذوقوه حلاوته وتتوب وترجع الى الله فيه وعندك استعداد تخطب البنت الى انته سيبتها دى (لله) بعد ما تبقى جاهز للزواج منها تأكد ربنا هييسرلك لما تسبها وبعد كده تتقدم لها رسمي كما أمرنا الله وأنتى كمان الشاب الى تركتيه (لله)سيعوضك خيرا لازم بقى نفوووووووووق ونرجع لربنا انته وانتى واحنا كلنا منضمنش حياتنا ممكن امووووت وانا على معصيه ساعتها هتقولوا ياريتنا ماسمعنا كلام نفسنا ولا الشيطان أقبلوا للأعمال الصالحه والتوبه فى رمضان لا تصبر وتقول (رمضان الى جاى ) رمضان دا الى تبدأ فيه لازم تبدأ تطلع صدقه فى رمضان حتى لو سنك صغير دا حتى لو (1جنيه) حاول تنصح عائلك وأقاربك باستقبال شهر رمضان بالطاعه مش هسمع أغانى فى رمضان ولا هنظر للبنات وأنا هلبس حجابى الى أمرنى بى ربنا ومش هحط (ميك أب)نهائى شكلك هيبقى أحلى عند ربنا دا طبعا بالنهار وبليل
  لا تجعل الشيطان يضحك عليك ومتمشيش كده فى رمضان تبقى يعنى الناس ماشيه تقول ماشاء الله عليه وتيجي بعد رمضان مفيش قراءة قرآن ولا قيام ليل لا خد بالك أنت كده بضيع كل الى عملته ولاأنتى مش الصبح تنزلى من غير (ميك أب ) وبليل تحطى لا خدى بالك اوعى يضحك عليكي الشيطان كذلك ولا حتى بعد رمضان ولا تخلى الناس وصحابك وعائلتك يضحكو عليكي أنتى لابسه الزى الى أمرك بيه ربنا أهم شئ تستمرون على الطاعه بعد رمضان كمان كنتم وأكثر والله ولى التوفيق )
ربنا يتقبل منا ومنكم صالح أعمالنا ويغفر لجميع موتى المسلمين الأحياء منهم والاموات ويدخلهم فسيح جناته
أرجو أن أكون قد أفدتكم وجزاكم الله خير
سبحان الله وبحمده سبحان الله العظيم - صلى الله على محمد صلى الله عليه وسلم